QafqazPRESS » Siyasət » Xocalı soyqırımının ildönümü münasibətilə Avstriya parlamenti önündə və Vyananın mərkəzi meydanında aksiya keçirilib

Xocalı soyqırımının ildönümü münasibətilə Avstriya parlamenti önündə və Vyananın mərkəzi meydanında aksiya keçirilib

Xocalı soyqırımının ildönümü münasibətilə Avstriya parlamenti önündə və Vyananın mərkəzi meydanında aksiya keçirilib


Avstriyada fəaliyyət göstərən Azərbaycan Akademik Birliyi martın 1-də Vyana şəhərinin mərkəzində yerləşən Ştefan meydanında və Avstriya Milli Şurasının (parlament) qarşısında ötən əsrdə bəşəriyyətin ən dəhşətli soyqırımlarından biri - Xocalı faciəsinin 22-ci ildönümü ilə əlaqədar kütləvi aksiya keçirib.

Milli.Az Trend-ə istinadən xəbər verir ki, "Xocalıya ədalət!" beynəlxalq təbliğat və məlumatlandırma kampaniyası ilə əməkdaşlıq çərçivəsində baş tutan aksiyada təşkilatın üzvləri, bu ölkədə yaşayan soydaşlarımız və türk diasporunun nümayəndələri iştirak ediblər.
Əhalinin ən gur hərəkətdə olduğu Ştefan meydanında qurulmuş çadırda Xocalı soyqırımını, ümumiyyətlə, Dağlıq Qarabağ münaqişəsi barədə gerçəklikləri əks etdirən müxtəlif dillərdə kitablar, broşürlər və digər informasiya materialları nümayiş etdirilib. Tələbə cəmiyyətinin üzvləri Heydər Əliyev Fondu tərəfindən buraxılmış kitabça və broşürləri və almanca hazırlanmış vərəqələri, eləcə də ingilis və alman dillərində hazırlanmış informasiya materiallarını yerli sakinlər arasında yayıblar. Tələbələr Ştefan meydanı və parlament qarşısında üzərində "Xocalıya ədalət!" böyük ölçülü plakatlar tutmuş, yerli əhaliyə faciə barəsində ətraflı məlumat vermişlər.
Meydanda quraşdırmış ekranlarda Xocalı soyqırımı haqqında video və fotomateriallar, sənədli filmlər nümayiş olunub.

Qeyd edək ki, Heydər Əliyev Fondunun vitse-prezidenti, Dialoq və Əməkdaşlıq uğrunda İslam Konfransı Gənclər Forumunun Mədəniyyətlərarası Dialoq üzrə baş əlaqələndiricisi Leyla Əliyevanın təşəbbüsü əsasında təsis olunmuş "Xocalıya ədalət!" kampaniyası dünyanın 40-dan artıq ölkəsində uğurla həyata keçirilir və Azərbaycan Akademik Birliyi ilə əməkdaşlıq çərçivəsində hər il Avstriyada müvafiq tədbirlər keçirilir.

Baxanlar: 251
Xəbəri dərc etdi: Sevinc Novruzova






© Copyright ²°¹³ QafqazPRESS.Az | Saytın Təsisçisi və Baş Redaktoru Xatirə Rəhimli
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.