Şou əhli futbol oynayacaq Oyunu idarə edən hakimlər isə AFFA-dan olacaq.

Ümummilli lider Heydər Əliyevin xatirəsinə ithafən Azərbaycanın tanınmış simaları meydanda yarışacaq. Oxu.Az xəbər verir ki, müğənnilər və aparıcılar bu dəfə futbol meydanında rəqib olacaqlar. AFFA-nın təşkilatçılığı ilə keçiriləcək futbol yarışı Şəfa Stadionunda reallaşacaq. Layihənin rəhbəri gənc müğənni Ramal Əsədzadədir.
“Şou-biznes” komandasının üzvləri əməkdar artist Almaz Ələsgərova, müğənnilər Rüfət Axundov, Ramal Əsədzadə, Zarina Məmmədova, meyxanaçılar İntiqam və Ehtiram Hüseynovlar, Aşıq Əli, prodüser Təranə Səmədova, “Kristal qrupu”, şairə Nazilə Səfərli, meyxanaçı Samirədir. Komandanın kapitanı Almaz Ələsgərovadır. “Şou-biznes”in baş məşqçisi prodüser Mədinə Malikdir. “Teleaparıcılar” komandasında isə Günel Hümbətova, Anar Cəfərov, Vüsalə Əlizadə, Samir Bayramlı, Günay Rəhimova, Kamran
Quliyev, Ülviyyə Əliyeva, Tural Ozan, Lamiyə Ələkbərqızı, Şəhriyar Əbilov, İsmayıl Abdullayev, Vüsalə Şahvəliqızı, Rəhman Rəsulov iştirak edəcək. “Teleaparıcılar” komandasının kapitanı Günel Hümbətovadır. Şounun aparıcıları Samir Bayramlı və Vüsalə Əlizadədir. Oyunu idarə edən hakimlər isə AFFA-dan olacaq. Ümummilli lider Heydər Əliyevin xatirəsinə həsr olunan futbol oyunu may ayının 7-si saat 18.00-da baş tutacaq. Onu da qeyd edək ki, stadiona giriş sərbəstdir.


QafqazPRESS.az