Ürəyin işinə nəzarət edən "Ağıllı geyim" yaradıldı

İspaniyanın “Nuubo” şirkəti İspaniyada və Avropanın digər şəhərlərində geyimə tətbiq edilmiş ürək fəaliyyətinə nəzarət sisteminin satışına başlayıb.

Milli.Az-ın ictnews-a istinadən verdiyi məlumata əsasən, şirkətin əsas məhsulu ürək fəaliyyətinin monitorinqi üçün “nECG” platformasıdır.

Platforma üç elementdən ibarətdir:
“nECG Shirt”. EKQ siqnallarını oxuyan “BlendFix” toxuma malları elektrodları ilə təchiz edilmiş “nECG” futbolkası;

“nECG Minder”. “nECG Shirt” köməyi ilə məlumatı qeydiyyata alan simsiz qəbuledici.

“nECG Suite”. “nECG Minder” tərəfindən ötürülmüş məlumatları emal edən təhlil və vizualizasiya proqramı, həmçinin hesabatları generasiya edir və geniş təhlil aparır.

Şirkət öz platformasını tibb aləti kimi təqdim etmək niyyətində deyil, onun məqsədi özünənəzarət üçün məlumatın əldə edilməsi vasitəsi yaratmaqdır.



QafqazPRESS.az