Ermənistan yox olacaq - Jirinovskidən DƏHŞƏTLİ SÖZLƏR

Rusiya Liberal-Demokrat Partiyasının lideri Vladimir Jirinovskinin “Rossia-1” telekanalında Ukrayna barədə çıxışı İrəvanda qorxu yaradıb.
Qafqazpress.az xəbər verir ki, Jirinovski Zelenskinin Ukraynaın son prezidenti olacağını bildirib.
“Bu, son seçkilər idi. Ukraynada 2024-cü ilin seçkiləri olmayacaq, ümumiyyətlə, Ukrayna adlı ölkələr olmayacaq. Siz Yaxın Şərqdə vəziyyətə baxın. Orada elə hadisələr olacaq ki, hər kəs Ukraynanı ümumiyyətlə, unudacaq. Proses III dünya müharibəsinə gedir. İran Vyetnam, Şimali Koreya, yaxud Kosova deyil. “Keçmiş Ukrayna” ərazisində Yaxın Şərq ölkələrindən gələn qaçqınlar məskən salacaq”, - Jirinovski iddia edib.
O, ukraynalılara Rusiyaya kömək təklifi edib: “Xilas yalnız Rusiyadadır”,
İrəvanda hesab edirlər ki, Jirinovski ad çəkməsə də, bu proqnozlar Ermənistana da aiddir.
Erməni şərhçi Qalust Qriqoryan yazır ki, Jirinovski Ukraynaya dərs vermək istəmir, əksinə böyük bədbəxtliklər haqqında xəbərdarlıqlar edir.
“Bu, Ermənistan üçün də aktualdır. Rusiya artıq Gürcüstanda və Ukraynada addımlar atdı. Belarusda da edəcəklər və bizə çox yaxın vaxtlarda mütləq xəbərdarlıqlar ediləcək. Artıq III Dünya müharibəsinin olacağını əsas gətirərək, ermənilərə də Rusiya vətəndaşı olmaq təklif edilir. Axı İran Ermənistana daha yaxındır, nəinki Ukraynaya. Artıq Rusiyada Ermənistanla bağlı nələrsə nəzərdə tutulur”, - deyə erməni şərhçi bildirib.