Rusiya AŞPA ilə əməkdaşlığı dayandırdı

Moskva Avropa Şurası Parlament Assambleyasının (AŞPA) yay sessiyasında iştirakdan və AŞPA ilə əməkdaşlıqdan müvəqqəti imtina edib
APA-nın məlumatına görə, bunu “İzvestiya” qəzetinə açıqlamasında Rusiya Dövlət Dumasının beynəlxalq məsələlər komitəsinin rəhbəri Aleksey Puşkov deyib.

O qeyd edib ki, Rusiyanın AŞPA ilə əməkdaşlıqdan imtinası müvəqqəti xarakter daşıyır.

“Biz AŞPA-nın yay sessiyasında iştirak etməyəcəyik. Biz assambleya ilə müvəqqəti olaraq əməkdaşlığı dayandırmışıq”, - deyə o vurğulayıb.

A.Puşkov bildirib ki, Rusiya nümayəndə heyətinə qarşı sanksiyalar aradan qaldırılmayanadək AŞPA ilə əməkdaşlıq bərpa olunmayacaq.



QafqazPRESS.az