Bakıda bankir oğlunun ölümünə görə cinayət işi başlandı

“Bank Respublika” ASC-nin Müşahidə Şurasının üzvü və bankın əsas səhmdarı Natiq Quliyevin 15 yaşlı oğlunun ölümü ilə bağlı cinayət işi başlanılıb.
Qafqazpress.az-ın məlumatına a görə, fevralın 17-də paytaxtın Nərimanov rayonu, M.Araz küçəsi ev 2 ünvanında yaşayan 2004-cü il təvəllüdlü Quliyev Emil Natiq oğlunun yaşadığı evdə vəfat etməsi faktına görə Nərimanov rayon prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanılıb.
Qeyd edək ki, E.Quliyevin ev şəraitində anasının vurduğu iynədən sonra vəziyyəti pisləşib. Təcili tibbi yardım xidməti çağırılsa da, tibbi personal onun həyatını xilas edə bilməyib.