Bakıda özünü körpüdən atmaq istəyən şəxs xilas edildi

17:16

Bakıda özünü körpüdən atmaq istəyən şəxs fikrindən daşındırılıb.
APA-nın hadisə yerində olan əməkdaşının verdiyi məlumata görə, Fövqəladə Hallar Nazirliyinin hadisə yerinə cəlb olunan xilasedicilərinin intihar məqsədi ilə körpüyə qalxan Yusif Əmirovla apardıqları danışıqlar nəticə verib.

Y.Əmirov intihar etmək fikrindən daşınıb və xilasedicilər tərəfindən körpüdən endirilib.

Faktla bağlı araşdırma aparılır.

Qeyd edək bir sıra saytlar şəxsin özünü artıq körpüdən atması barədə məlumat vermişdi.

---------
16:20

Bakıda özünü körpüdən atmaq istəyən şəxsin kimliyi müəyyənləşib.
APA-nın verdiyi məlumata görə, intihar məqsədi ilə körpüyə çıxan şəxs, əslən Qərbi Azərbaycandan olan, 62 yaşlı Yusif Abbas oğlu Əmirovdur.

O, günahsız yerə 14 il həbsdə yatdığını və azadlığa çıxandan sonra ona qarşı başlanmış cinayət işinin yenilənməsinə etiraz olaraq bu addımı atdığını qeyd edib.

Y.Əmirov körpüyə qalxanda özü ilə benzin də götürüb. O, körpünün üstündə özünə od vuracağını bildirib.

---------
15:41

Mediapost.az-ın məlumatına görə, gənc oğlan özünü körpüdən atıb. Əraziyə cəlb olunmuş təcili yardım maşını ilə o, dərhal 3 saylı şəhər kliniki xəstəxanasına aparılıb.

----------
15:28

Hazırda paytaxtn Nizami rayonu ərazisində, metronun “Koroğlu” stansiyasının yaxınlığındakı körpüyə çıxan gənc oğlan özünü atmaq istəyir

Mediapost.az-ın məlumatına görə, əraziyə çoxlu sayda polis əməkdaşı gəlib.

Eyni zamanda, yoldan keçən vətəndaşlar dayanaraq gənci intihar fikrindən daşındırmağa çalışırlar.

Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları da əraziyə cəlb olunublar.

Hazırda intihar etmək istəyən şəxslə nazirliyin psixoloqları söhbət aparırlar.



QafqazPRESS.az