Kambocanın baş naziri Azərbaycana rəsmi səfərə gəlib

AzərTAc xəbər verir ki, Kamboca Krallığının baş naziri Hun Sen aprelin 21-də Azərbaycan Respublikasına rəsmi səfərə gəlmişdir.

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Kambocanın baş nazirinin şərəfinə fəxri qarovul dəstəsi düzülmüşdü.

Kambocanın və Azərbaycanın dövlət himnləri səsləndirildi.

Kamboca Krallığının baş naziri Hun Seni Azərbaycan Respublikası baş nazirinin müavini Əli Əhmədov və digər rəsmi şəxslər qarşıladılar.



QafqazPRESS.az