Meyxanaçı Aydın Xırdalanlının ölüm xəbəri yayıldı

Bu dəqiqələrdə məşhur meyxana ustası Aydın Xırdalanlının dünyasını dəyişdiyi xəbəri yayılıb.

Milli.Az xəbər verir ki, axar.az əməkdaşı tanınmış meyxanaçı ilə əlaqə saxlamaq istəsə də, telefon zənglərinə cavab verən olmayıb.

Qeyd edək ki, Aydın Xırdalanlı ANS-də keçirilən “De gəlsin” yarışmasının qalibidir və “Qızıl Nida” mükafatının sahibidir.

Sonra isə Aydın Xırdalanlının telefonuna cavab verən və özünü təqdim etməyən şəxs bildirdi ki, 1-2 saatdan sonra meyxanaçı özü zənglərə cavab verəcək.

Aydın Xırdalanlının əlaqə saxlayan dostlarından birinin sözlərinə görə, yayılan xəbər həqiqəti əks etdirmir və bunu dostları zarafat olaraq paylaşıblar:

"Bu gün Aydın Xırdalanlının doğum günüdür. Dostları isə zarafatla ölüm xəbərini yayıblar. Aydın sağ-salamatdır və hazırda ad gününü qeyd edir".

Buna baxmayaraq, dostu olduğunu söyləyən şəxs Aydın Xırdalanlı ilə danışmaq fürsəti də yaratmadı: "Başı qarışıqdır, təbrikləri qəbul edir"...



QafqazPRESS.az