Yol polisi təşkil etdi, uşaqlar yol qaydalarından danışdı - VİDEO

Yol polisi təşkil etdi, uşaqlar yol qaydalarından danışdı - VİDEOYol polisi24 Sentyabr 2020 12:48Oxunub 622Yol polisi təşkil etdi, uşaqlar yol qaydalarından danışdı - VİDEO
Bakı şəhər Dövlət Yol Polisi İdarəsi 1 saylı Uşaq Gənclər İnkişaf Mərkəzi ilə birlikdə sentyabrın 5-dən oktyabrın 5-dək davam edəcək “Diqqət, uşaqlar!” təhlükəszilik aylığı çərçivəsində görüləcək işlərə dair tədbirlər planını təsdiq edib. Plan çərçivəsində DYP əməkdaşları və müəllimlər karantin qaydalarına əməl etməklə görüş keçirərək uşaqlar arasında təbliğat işinin gücləndirilməsini müzakirə ediblər. Bundan başqa, orta məktəb şagirdləri arasında yol hərəkəti qaydalarının təbliğinin genişləndirilməsinin vacibliyi qeyd edilib, bu sahədə görüləcək işlərdən danışılıb.
Bakı şəhər DYP-nin bölmə rəisi, polkovnik Vaqif Əsədov bildirib ki, yol polisi uşaqların yol qəzalarından qorunması, qəzalarda uşaqların ölüm və xəsarət almasını azaltmaq üçün Prezident İlham Əliyev tərəfindən təsdiq edilmiş Yol Hərəkətinin Təhlükəsizliyinə dair Dövlət Proqramından irəli gələn bütün məsələləri diqqətlə təhlil edərək icrasını həyata keçirir. Uşaqlar arasında maarifləndirmə işinin aparılması ən vacib məsələdir. Lakin bunun paralel digər təbliğat işləri də görülür ki, burada uşaqların da rolu az deyil. Uşaqların yol hərəkətinə dair bilik və bacarıqlarını əks etdirən videolar, foto və rəsm işləri ümidvericidir və gələcəkdə bu sahədə ciddi dönüşün olacağına inam yaradır.
Müzakirələr zamanı Votsapp qrupunda da təbliğat işinin davam etdirilməsi qərara alınıb, uşaqlar, müəllimlər və yol polisi əməkdaşları azyaşlıların yaradıcılığını müzakirə ediblər. Yaxın günlərdə fəal uşaqlar DYP tərəfindən mükafatlandırılacaqlar.