QafqazPRESS » Sosial » Azərbaycanda ilk dəfə - ana bətnində dölə qan köçürüldü

Azərbaycanda ilk dəfə - ana bətnində dölə qan köçürüldü

Azərbaycanda ilk dəfə - ana bətnində dölə qan köçürüldü






Respublikada ilk dəfə olaraq ana bətnində dölə qan köçürülüb.

Bu ilkə imza atan ATU-nun Tədris Cərrahiyyə Klinikasının ginekologiya şöbəsinin müdiri Uzman Dr. Turab Canbaxışov bildirib ki, pasiyent 1 həftə əvvəl klinikaya müraciət edib. Daha əvvəl başqa bir klinikada hamiləliyi izlənilən pasientə ultrasəs müayinəsi zamanı dölün qarnına su yığıldığı deyilib. Bununla bərabər dəri və dərialtı toxumalara su yığıldığı üçün ödəm başlayıb. Döldə belə vəziyyət, adətən, qan uyğunsuzluğu, rezus uyğunsuzluğu və ya viral problem əsasında yaranır. Bundan başqa analizlər nəticəsində virus və virus antitellərinə rast gəlindiyi də deyilib.

T. Canbaxışov qeyd edib ki, eyni simptomları onlar da müşahidə ediblər. “Biz müayinə etdik və virus antitellərinə qarşı da analiz götürdük. Ancaq analizlərin nəticəsi mənfi çıxdı. Tək problem qan uyğunsuzluğu idi. Qan qrupunun uyğunsuzluğunu ana bətnində ikən aşkar etmək çətin olur. Buna baxmayaraq, analizlərin cavabı müsbət çıxdı. Dopler müayinəsi zamanı uşağa ciddi anemiya diaqnozu qoyuldu. Ciddi anemiya olduğu üçün müalicənin yeganə üsulu ana bətnində dölə qan köçürülməsidir. Dölün çəkisinə, həftəsinə və hemoqlobin dəyərinə görə ümumi miqdar hesablanır və qan köçürülür. Biz bu prosesi uğurla həyata keçirdik.”

Dr. T.Canbaxışov bildirib ki, hal hazırda dölün vəziyyəti yaxşıdır, 1 həftə ərzində döldə olan ödemin çəkilməsini gözləyəcəklər. Əgər lazım gələrsə, bu prosedur hamiləliyin sonuna qədər 2-4 həftə aralıqla daha 2 dəfə olunacaq.



Baxanlar: 407
Xəbəri dərc etdi: Sevinc Novruzova






© Copyright ²°¹³ QafqazPRESS.Az | Saytın Təsisçisi və Baş Redaktoru Xatirə Rəhimli
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.