» » Bakı metrosunda problem yarandı: sərnişinləri vaqonlardan düşürdülər

Bakı metrosunda problem yarandı: sərnişinləri vaqonlardan düşürdülər

Müəllif: Sevinc Novruzova
//
Tarix: 16 avqust 2014
//
Bölmə: Təhsil / Sosial
Bakı metrosunda problem yarandı: sərnişinləri vaqonlardan düşürdülər



09:56

Bu gün Bakı metrosunda növbəti problem yaşanıb.

Məsələyə aydınlıq gətirmək üçün anspress Bakı Metropoliteni ilə əlaqə saxlayıb. Metronun mətbuat xidmətinin rəhbəri Nəsimi Paşayevin verdiyi məlumata görə, hadisə saat 08:35-də qeydə alınıb.

“Həzi Aslanov” – “İçərişəhər” marşrutu üzrə hərəkət edən 3 saylı qatarın "Koroğlu" stansiyasında qapıları bağlanmayıb. Problem qatarın birinci vaqonunun 2-ci qapısında baş verib.

“Həmin dəqiqə sərnişinlər qatardan düşürdülüb. Qatar depoya göndərilib. Əvəzində ehtiyat qatarı gətirilib. Həmin qatarın qrafikində təxminən dəqiqə yarım gecikmə olsa da, ümumi qrafikdə heç bir ləngimə qeydə alınmayıb”, - deyə Nəsimi Paşayev bildirib.

----------
08:46

Bu gün Bakı metrosunda növbəti problem yaşanıb.

Milli.Az-ın hadisə yerində olan əməkdaşı bildirir ki, "Həzi Aslanov" - "İçərişəhər" marşrutu üzrə hərəkət edən qatarın "Koroğlu" stansiyasında qapıları bağlanmayıb. Beş dəqiqə qapıların bağlanmasına cəhd göstərilsə də nəhayət sərnişinləri vaqonlardan düşürüblər və qatar depoya göndərilib.




QafqazPRESS.az