Bu cür gəlin maşını görmədiniz

Bəy, TIR gəlin maşınının uşaqlıq xəyalı olduğunu deyib
Türkiyədə ailə qauran cütlük gəlin maşını üçün qeyri-adi yol seçib. Anspress-in xəbərinə görə, Bartın vilayətində evlənən 28 yaşlı Sezgin Karaman ilə 20 yaşlı Elif Karaman gəlin maşını kimi TIR-dan istifadə ediblər.

Məlumata görə, qoşqusu çıxarılan TIR 4 saata bəzədilərək gəlin maşını hazırlanıb. Bəzədilmiş TIR-ın üzərinə, “Ruhumun incə gülü”, “Elif ilə Sezgin” yazılıb. Belə bir gəlin maşınını təəccüblə qarşılayan yerlilər TIR-ın yanında dayanaraq şəkil də çəkdiriblər.

Bəy gəlini gətirmək üçün bu maşınla gedib və cütlük TIR-ın qarşısında dayanaraq fotoqrafa poza verib.

Bu barədə açıqlama verən bəy TIR gəlin maşınının uşaqlıq xəyalı olduğunu deyib. Elif Karaman isə gəlin maşınının TIR olmasından xəbərdar olduğunu, amma bu qədər gözəl alınacağını təxmin etmədiyini bildirib.



QafqazPRESS.az