Dəhşətli partlayış: 19 ölü, 60 yaralı

Nigeriyanın paytaxtı Abuca şəhərində dəhşətli terror aktı törədilib. AzVision.Az “BBC”yə istinadən verdiyi məlumata görə, hadisə nəticəsində 19 nəfər ölüb, daha 60 nəfər isə yaralanıb.

Yaralıların bəzilərinin vəziyyəti ağır olduğundan ölənlərin sayının artacağı istisna edilmir. Terror aktı paytaxtın Nyanya adlı ərazisində baş verib. Minalanmış avtomobil polis blokpostu yaxınlığında parladılıb. Qeyd edək ki, bir həftə sonra Nigeriyanın paytaxtında Afrika üzrə Dünya İqtisadi forumu keçiriləcək. Bu tədbirin təhlükəsizliyinin təmin olunması məqsədilə altı min polis cəlb olunacaq.



QafqazPRESS.az