"Range Rover" "Shacman"a çırpıldı, yaralı var

Bakının Yasamal rayonu Mikayıl Müşfiq küçəsində yol nəqliyyat hadisəsi baş verib.

Milli.Az anspress-ə istinadən bildirir ki, minik və yük avtomobilləri toqquşub. Qəza zamanı hər iki nəqliyyat vasitəsi sözü gedən küçə ilə üzü Badamdar qəsəbəsi istiqamətində hərəkətdə olub. Amma “Range Rover”in sürücüsünün ani çaşqınlığı sonda avtomobilin “Shacman” markalı yük maşınının arxasına çırpılması ilə nəticələnib.

Qəza nəticəsində “Rance Rover”in sürücüsü yüngül xəsarətlərlə canını qurtara bilsə də, onun xanım sərnişini, 31 yaşlı Zülfiyyə Məmmədova xəstəxanalıq olub. Toqquşma o qədər güclü olub ki, minik avtomobilinin on hissəsi tamamilə yararsız hala düşüb. Hətta “Range Rover”ə məxsus bəzi hissələr yük maşınının arxasına yapışıb qalıb.

Yol nəqliyyat hadisəsi ilə bağlı Yasamal Rayon Polis İdarəsində araşdırmalara başlanılıb. Qəzanın dəqiq səbəbləri və eləcə də xəsarət faktının ağırlığı dərəcəsi bu araşdırmaların sonunda məlum olacaq.



QafqazPRESS.az