Bakıda polis rəisi "Gelandewagen"ində bıçaqlandı

Bakıda polis rəisi bıçaqlanıb. Binəqədi Rayon Polis İdarəsinin 5-ci polis bölməsinin rəisi Anar Şıxəliyev naməlum şəxslər tərəfindən bıçaqlanıb.

Rayon Polis İdarəsindən Milli.Az-a bildirildi ki, Xutor qəsəbəsi ərazisində Anar Şıxəliyev özünə məxsus “Mercedes Gelandewagen” markalı avtomobildə hücuma məruz qalıb. “Niva” markalı avtomobillə gələn naməlum şəxslər maşının qarşısını kəsərək dəyənəklə maşını əzməyə başlayıblar. Bu zaman A.Şıxəliyevə bıçaq zərbəsi dəyib. Cinayətin kimlər tərəfindən törədilməsi məlum deyil, hazırda onların tutulması istiqamətində əməliyyat aparılır. İşin istintaqını Bakı Şəhər Prokurorluğu aparır.



QafqazPRESS.az