Qohumlar arasında qız davası: 4 yaralı

Gənc oğlan bir vaxtlar evində elçi kimi şirin çay verdiyi ailəni bıçaqdan keçirib. Mingəçevir şəhərində dünən ana iki oğlu ilə birlikdə bıçaqlanıb. Milli.Az qanlı hadisənin təfərrüatlarını öyrənib. Oğuz sakini olan 25 yaşlı Zaur Rəsulov dünən 25 yaşlı Elnur Əzimovu, 24 yaşlı Fərid Hasilovu, onun 23 yaşlı qardaşı Cavidi və anası Amaliyanı bıçaqlayıb.

Mingəçevir Rayon Polis Şöbəsindən Milli.Az-a bildirildi ki, Amaliya Hasilovanın oğlanlarından biri Zaur Rəsulovun yaxın qohumu ilə nişanlanıb. Bir neçə gün əvvəl isə oğlan qızla ayrılıb. Dünən isə bu məsələ böyüyüb və qohumlar arasında qanlı davaya çevrilib.



QafqazPRESS.az