Azərbaycanda ata və oğulu bıçaqladılar

Milli.Az Regional TV-yə istinadən xəbər verir ki, Quba rayonunda bıçaqlanma hadisəsi baş verib. 38 yaşlı Quba rayonu Zərdabi kənd sakini Səxavət Ağamalıyev və onun oğulu 17 yaşlı Firuz Ağamalıyev müxtəlif xəsarətlərlə Quba Mərkəzi Rayon Xəstəxanasına yerləşdiriliblər.

Tibb müəssisəsindən bildiriblər ki, F.Ağamalıyevin vəziyyəti yaxşı olduğundan o, ambulator müalicə üçün evə buraxılıb. Bel nahiyəsindən bıçaq xəsarəti alan S. Ağamalıyev isə əməliyyat olunub. Onun vəziyyəti orta ağırdır.

Faktla bağlı Quba Rayon Polis Şöbəsində araşdırmalar davam etdirilir. Hadisəni törədən şəxs və ya şəxslərin tutulub istintaqa verilməsi istiqamətində əməliyyat axtarış tədbirləri aparılır.


QafqazPRESS.az