Abutalıbov müxalifətin mitinqinə icazə vermədi

Bakı Şəhər İcra Hakimiyyəti müxalif gənclərin mayın 18-i paytaxtda mitinq keçirmək müraciətinə cavab verib.

Altı qurumun (Müsavat Partiyası, Azərbaycan Xalq Cəbhəsi Partiyası, Vətəndaş Həmrəyliyi Partiyası, “Nida” Vətəndaş Hərəkatı, “Azad Gənclik” Təşkilatı və REAL Hərəkatı) üzvlərinin imzaladığı müraciətdə Bakının Yasamal rayonunda yerləşən “Məhsul” stadionunda mitinq keçirmək üçün yer ayrılması xahiş olunurdu.

“AzerFax” “Media forum” saytına istinadən xəbər verir ki, mayın 15-də Bakı Şəhər İcra Hakimiyyətindən gələn cavab məktubunda qeyd olunur ki, müraciəti imzalayanların hansı siyasi partiyanı, ictimai təşkilatı və birliyi təmsil etdiyi bilinmir, bu isə ictimai asayişin qorunmasında problem yarada bilər.

Bu səbəbdən Bakı meriyası mitinqin kiçirilməsinə icazə verməyib.



QafqazPRESS.az