Xalq artisti ordumuzun əsgərlərinə konsert verəcək

Azərbaycan Respublikasının xalq artisti Nisə xanim Qasımova 15 iyun “Milli Qurtuluş” günü münasibəti ilə Qarabağda yerləşən hərbi hissələrdə konsert proqramı ilə çıxış edəcək
Milli.Az-ın məlumatına görə, konsertlər Nisə xanımın istəyi və Azərbaycan Respublikası Müdafiə Nazirliyinin xəttilə həyata keçiriləcək. Çoxdan planlaşdırılan konsert proqramı xalq artistinin yaradıcılıq işlərinə görə təxirə salınırdı. Lakin payız aylarında işıq üzü görəcək albomunun hazırlıqlarını təxirə salan müğənni bu əlamətdar gündə xalqın və ordusunun qarşısına çıxmağı qərarlaşdırıb.

Konsertlər 11-12 iyunda Füzuli rayonu, 14-15 iyun tarixlərində isə Ağdam rayonunda baş tutacaq. Xalq artisti konsert proqramları boyunca sevilən mahnıları, hitləri ilə bərabər vətənpərvərlik ruhunda da mahnılar ifa edəcək. Qeyd edək ki, konsertlər yerli telekanallar vasitəsilə canlı yayımlanacaq.




QafqazPRESS.az