Üzeyirdən "Eqzqlüziv" açıqlama (VİDEO)

Bir çoxları onu bəyənməsələr də albom satışı və "Youtube"da izlənmə hesabı ilə hətta xalq artistlərini belə arxada qoyan Üzeyir Mehtizadə maraqlı açıqlamalar verib.

ANS PRESS-in məlumatına görə, hər səhər yeni mahnı bəstəsi ilə yuxudan ayılan Üzeyir bu dəfə nə az, nə çox özünə aid olan düz 12 mahnı təqdim edəcək.

ANS telekanalında yayımlanan "Şoubiz+" verilişinə müsahibə verən ifaçı nədənsə canlı oxumaqdan da çəkinib: "Məndən eqzqlüziv ifa istəyirsiz? Mən bu günə qədər canlı oxumamışam, onun özü də mənim üçün ayrıca bir proektdir. Elə bir vaxt gələcək ki, canlı ifa etməyimin özü böyük bir səs-küy yaradacaq".

İfa etməməyin səbəblərini açıqlamayan Üzeyir Mehtizadə sonuncu dəfə canlı olaraq nə zaman oxuduğunun heç yadında olmadığını etiraf edib: "Bu çoxdan olub, o vaxt təzə təzə tanınırdım. Sonra fikirləşdim ki, bunu sürpriz olaraq saxlamaq lazımdı".


QafqazPRESS.az