TQDK sədri valideynlərə xəbərdarlıq etdi

TQDK sədri Məleykə Abbaszadə sonuncu sınaq imtahanlarında iştirak edən abituriyentlərin göstəricilərini açıqlayıb.

AzVision.az-ın məlumatına görə, komissiya sədri bildirib ki, sınaq imtahanlarında ən yüksək nəticə III qrupda qeydə alınıb. Belə ki, bu qrupda sınaq imtahanında iştirak edən abituriyentlərin 50%-dən çoxu 282 bal toplayıb:

“I qrupda abituriyentlərin 50%-dən çoxu 200 bal, II qrupda 50%-dən çoxu 252, IV qrupda isə 50%-dən çox abituriyent 232 bal yığıb”.

Ən yüksək bal toplayan abituriyentlərə gəlincə isə onların nəticələri barədə M.Abbaszadə bunları deyib: “I qrupda 13 abituriyent 680-700 bal toplayıb. Digər qruplara gəlincə isə II qrupda 680-700 bal toplayanların sayı 4 nəfərdir. III qrupda bu göstərici 9 nəfər, IV qrup isə 28 nəfərdir”.

TQDK sədri daha sonra iyunun 8-də keçiriləcək buraxılış imtahanlarından söz açıb. Bildirib ki, birinci buraxılış imtahanında 70 min şagird iştirak edəcək.

Komissiya sədri vurğulayıb ki, TQDK-nın saytında imtahana düşəcək test tapşırıqlarının nümunələri yerləşdirilib: “İmtahan verəcək 70 min nəfərdən yanız 22 min 68 nəfəri test tapşırığı nümunələri ilə tanış olub”.

M.Abbaszadə hələ buraxılış vərəqəsi almayan şagirdlərin valideynlərini bu işlə məşğul olmağa çağırıb:

“Valideynlər indidən bununla məşğul olnalıdırlar. Ayın 8-dəki imtahan üçün buraxılış vərəqəsi TQDK-nın saytındadır”.

M.Abbaszadə bildirib ki, buraxılış imtahanın nəticələrinə əsasən 9-cu sinif şagirdləri orta ixtisas məktəblərinə qəbul ola bilərlər: “Amma onlar orta ixtisas mətkəblərinə qəbul üçün sənəd verməli və qeydiyyatdan keçməlidirlər. Əvvəlki illərin məzunları orta ixtisas məkətblərinə qəbul olmaq üçün iyunun 12-ə qədər sənədlərini təqdim etməlidirlər. Bizim imtahanlarda iştirak etməlidirlər”.

TQDK sədri onu da vurğulayıb ki, bu il orta ixtisas məktəblərinin incəsənət ixtisaslarına sənəd verənlərin sayı azalıb: “Orta ixtisas məkəblərinin təsviri incəsnət ixtisaslarına keçən il 2341 adam qeydiyyatdan keçmişdi. Bu il isə 1279 nəfər qeydiyyatdan keçib”.



QafqazPRESS.az