» » İlham Əliyevin oğlu: “Atam hər gün dərslərimlə maraqlanır”

İlham Əliyevin oğlu: “Atam hər gün dərslərimlə maraqlanır”

Müəllif: Sevinc Novruzova
//
Tarix: 28 aprel 2014
//
Bölmə: Siyasət
İlham Əliyevin oğlu: “Atam hər gün dərslərimlə maraqlanır”


Prezident İlham Əliyevin oğlu Heydər Əliyev dərsləri barədə jurnalistlərə müsahibə verib.

ADA-da təhsil alan H.Əliyev dərslərinin maraqlı olduğunu bildirib:

"Təzə-təzə universitetə daxil olanda çox maraqlı olmuşdu. Çünki məktəblə fərqi çox böyükdür. Xeyli vaxtdır burada oxuyuram. Dərslər maraqlıdır. Məktəbdən daha çox maraqlıdır, oxumaq istəyirəm. Mən imtahan verib, bura daxil olanda ingilis dilini bilirdim. Dedim ki, burada oxuyub biliyimi daha da möhkəmlətmək istəyirəm. Bu, məndə deyəsən alındı və indi ingilis dilini daha yüksək səviyyədə bilirəm."

Burada təhsil sistemi xaricdəki təhsilə bənzəyir və heç bir fərqi yoxdur. Orta məktəbdə bir qədər fərqli idi. Amma burada elə bil xaricdə oxuyuram. Praktik olaraq fərq yoxdur. Burada heç kim özünü ağır hiss etmir. Dərsə gələndə kiminsə özünü pis hiss etdiyini görməmişəm. Hər kəs normal gəlir dərsə. Boş vaxtlarım olanda, dərslərdən sonra burada qalıram. Dostlarımla gəzirəm, yemək yeyirəm, sonra da evə gedirəm. Dincəlirəm, dərslərə hazırlaşıram."

Prezidentin oğlu qiymətləri ilə bağlı verilən suala səmim cavab verib:

"Qiymətlərim yaxşıdır. Razıyam, amma əla deyil. Gələcəkdə yuksəldəcəm. Atam dərslərimlə hər gün maraqlanır. Hər gecə məndən soruşur, dərslərin necə keçib, dostlarınla necə gəzmisən? Hara getmisən? Dərslərin ağırdır? Çətindir? O da mənə çox yaxşı təsir edir. Çünki məni fikirləşir."


QafqazPRESS.az