Dərs əlaçısı

Aslanov Aslan Mahmud oğlu Xəzər rayonundakı A. S. Makarenko adına humanitar fənlər üzrə gimnaziyada təhsil alır. O, dərs əlaçısıdır. Balaca Aslan 3 – cü sinifi də yüksək qiymətlərlə başa vurdu.
O, Xəzər rayonunda məktəblərarası 3 – cü sinif şagirdləri arasında keçirilən “Bilik” yarışmasında III yerə layiq görülüb.
Əla qiymətlərlə oxuyan Aslanın sinif rəhbəri Kəmalə Əliyeva Aslanın sinifdə nümunəvi şagird olduğunu vurğuladı. Aslanın təhsil aldığı məktəbin direktoru Əlizadə Murad müəllim və sinif rəhbəri Kəmalə Əliyeva bu istedadlı və bilikli şagirddən çox razılıq edirlər.
Qeyd edək ki, Aslanın əmisi peşəkar hərbiçi, kapitan Tacəddin Aslanov Fizulinin Xatunbulaq kəndi uğrundakı döyüşlərdə çox böyük qəhrəmanlıq göstərib. 1993 – cü il avqustun 8 – də Xatunbulaqdakı qızğın döyüşlər zamanı əsir düşüb.

Aslanın nənəsi Nigar Aslanova qəhrəman anadır. Nigar ana 13 övlad böyüdüb boya – başa çatdırıb. O, nəvələrini də vətənpərvərlik ruhunda böyüdür.
Aslan 3 bacının 1 qardaşıdır. Tanrı qorusun bu körpə balaları. Arzu edirik ki, Aslan Ana Vətən üçün layiqli övlad olsun!


QafqazPRESS.az