Bakıda hamilələr üçün pulsuz taksi- Foto

Bakıda Cəmaləddin Qaracayev adlı taksi sürücüsünün atdığı addım hər kəsi heyrətləndirib.


"Qafqazinfo" xəbər verir ki, o, taksiyə maraqlı elan yerləşdirib. Belə ki, elanda qeyd olunur ki, "Hamilə və 1 yaşına qədər uşaqlı valideynlərə taksidə gediş haqqı pulsuzdur".

Taksi sürücüsü isə etdiyi hərəkəti belə qiymətləndirib: "Hamı mənə dəli, xəstə kimi baxır, amma yox mən elə deyiləm. Mənim üçün puldan önəmli insanlara hörmət eləmək, onları çətin anda başa düşmək vacibdir. Ona görə də hamilə və 1 yaşından kiçik uşağı olan qadınları taksimdə pulsuz aparıram. Hətta mənə imkansız bir vətəndaş yaxınlaşıb pulsuz onu harasa getmək istəsə canla-başla kömək edərəm. Bəlkə, nə vaxtsa mənim də nəvələrimə bu yaxşılıq qayıdar. Bu mənim seçimimdir!"

Qeyd edək ki, sosial şəbəkələrdə yayılan bu foto geniş müzakirələrə səbəb olub.


QafqazPRESS.az