Azərbaycanlı futbolçu: ""Neftçi" Böyükağa Hacıyevdən yaxşısını tapa bilməz!"

Aftandil Hacıyev: "İndiki halda "Neftçi" Böyükağa Hacıyevdən yaxşısını tapa bilməz!"
Milli.Az-a açıqlama verən Azərbaycan millisinin və "Neftçi" klubunun sabiq futbolçusu Aftandil Hacıyev bildirib ki, "Neftçi" bu görüşdə asanlıqla qalib gələcək: ""Bursaspor" və "Çixura"nı müqayisə etsək, bizim üçün əlverişli yenə ikincilər olur. Çünki gürcülərin Avropada o qədər də təcrübələri yoxdur. "Neftçi" bu mərhələni çox güman ki, keçəcək. Doğma divarlar arasında qalib gəlib cavab oyununa rahat çıxmağa çalışacaq klubumuz. Güman edirəm ki, azerkeşlər də stadionu dolduracaqlar. Çünki "Qarabağ"ın dünənki möthəşəm qələbəsi də bunda öz rolunu oynayacaq. Azerkeşlərdə də artıq iştah artır. Get-gedə qalibiyyətlərin sayının artmasını istəyirlər. Bu gün mən də "Neftçi"dən quru hesabla yox böyükhesablı qələbə gözləyirəm. Komandamız buna qadirdir".

Aftandil Hacıyev Böyükağa Hacıyevin "Koper"lə ilk oyundan sonra "mərhələ keçsək də, istefa verəcəm", amma mərhələni keçəndən sonra "əsəbi olub elə demişəm" fikrlərinə də münasibət bildirib: "Məğlubiyyətdən sonra emosiyaya qapılıb belə deyib çox güman. Böyükağa müəllim çox tez emosiyaya qapılır. Onu yaxşı başa düşürəm. Böyükağa Hacıyev "Neftçi" tarixində ən uğurlu məşqçidir. İndiki halda "Neftçi" Böyükağa müəllimdən yaxşısını tapa bilməz!"



QafqazPRESS.az