QafqazPRESS » Kriminal » “Cinayət işində intim epizodlar olduğu üçün...” - Məhkəmə prosesi

“Cinayət işində intim epizodlar olduğu üçün...” - Məhkəmə prosesi

“Cinayət işində intim epizodlar olduğu üçün...” - Məhkəmə prosesi









Bu gün Bakı Ağır Cinayətlər Məhkəməsində dələduzluqda və hədə-qorxu ilə tələb etmədə təqsirləndirilən İran vətəndaşı, 1986-cı il təvəllüdü Əqilli Səidin cinayət işi üzrə məhkəmə prosesi başlayıb.

Hakim Fikrət Qəribovun sədrliyi ilə hazırlıq keçirilib.

S.Əqilli Cinayət Məcəlləsinin 178.2.2-ci (dələduzluq) və 182.2.2-ci (hədə-qorxu ilə tələb etmə) maddəsi ilə təqsirləndirilir. O, intim əlaqədə olduğu qadınları şantaj edib.

Təqsirləndirilən şəxs bildirib ki, İranda anadan olsa da, sonradan Azərbaycana köçüblər və 4-cü sinifdən Azərbaycanda məktəbə gedib.

Onun vəkili Ceyhun Yusifov vəsatət verərək cinayət işində intim epizodların olması səbəbi ilə məhkəmə prosesinin qapalı keçirilməsini istəyib.

Cinayət işi məhkəmə baxışına verilib. Məhkəmə kollegiyasının qərarı ilə vəkilin vəsatəti təmin edilib və məhkəmə prosesinin qapalı keçirilməsinə qərar verilib.

Məhkəmə prosesi iyunun 21-də davam etdiriləcək.

Baxanlar: 310
Xəbəri dərc etdi: Sevinc Novruzova






© Copyright ²°¹³ QafqazPRESS.Az | Saytın Təsisçisi və Baş Redaktoru Xatirə Rəhimli
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.