İlham Əliyev Sarkisyanla görüşə bilər

Azərbaycan və Ermənistan prezidentlərinin görüşü sülhün əldə olunması üçün lazım olan danışıqların yeni mərhələsinə start verə bilər.

AzVision.az-ın məlumatına görə, bu barədə Ermənistanın paytaxtı Yerevanda keçirilən mətbuat konfransında ATƏT-in fəaliyyətdə olan sədri, İsveçrə prezidenti Didye Burkhalter bildirib.

Burkhalter Minsk qrupu formatının vacibliyini vurğulayıb: “Bu vacib problemin həll edilməsində bu formata tamamilə etibar edirəm. Bu proses olduqca çətindir və biz onun vacibliyini qiymətləndirmirik”. Eyni zamanda o qeyd edib ki, münaqişədəki status-qvo vəziyyəti heç bir perspektiv vəd etmir və sülhün əldə olunması üçün addım-addım irəliləmək lazımdır. Burkhalter bəyan edib ki. ATƏT-ə sədrlik edən ölkə kimi İsveçrə öz səylərini atəşkəs rejiminin möhkəmləndirilməsinə yönəldəcək.

ATƏT sədri həmçinin Dağlıq Qarabağ münaqişəsinin Madrid prinsipləri və beynəlxalq hüququ əsasında həll edilməsinin vacibliyini vurğulayıb.



QafqazPRESS.az