EMİN: "Azərbaycana təşəkkürümü bildirirəm"

Mükafatlarının sayı hesabı olmayan azərbaycanlı bəstəkar-müğənni Emin Ağalarov bu gün Bakıda media nümayəndələrini başına toplayıb mətbuat konfransı keçirib.

ANS PRESS-in məlumatına görə, günün əsas mövzusu isə dünyanın ən məşhur “World Music Awards” mükafatlandırma mərasimindən ifaçının dəyərli mükafatla qayıtması olub. Mətbuat konfransının əvvəlində jurnalistlərə EMİN-nin mükafatlandırma mərasimindən olan möhtəşəm çıxışı təqdim edildi. Daha sonra isə sənətçi müxbirlərin qarşısına çıxıb. Jurnalistlər ifaçını belə bir səviyyəli mükafat aldığına görə təbrik etdilər.

Təbrikləri qəbul edən EMİN öz təəssüratlarını dilə gətirdi: "“World Music Awards”da dünyaca məşhur müğənnilər iştirak etdilər. Onlarla birlikdə səhnə almaq özü böyük işdir. Qalib olduğuma görə ilk növbədə Azərbaycana və mənə səs verən insanlara təşəkkürümü bildirirəm. Eləcə də Rusiyada məşhur olduğum üçün onların da mənə dəstəyi böyük oldu”.

Bəstəkar-müğənni onu təbrik edən ilk insanın isə rusiyalı müğənni Qriqori Lepsin olduğunu dedi. Bundan əlavə olaraq Rusiya və Azərbaycandan olan pərəstişkarları arasında olan mübahisədən danışaraq pərəstişkarlarının onu bölüşmək istəmədiyini dedi.

EMİN Röyanın da nominatlar arasında olduğunu və Rusiyada yetərincə pərəstikarının olduğunu vurğuladı.



QafqazPRESS.az