EMİN və Qreyq Devidin möhtəşəm konsertindən görüntülər

Azərbaycanlı bəstəkar-müğənni Emin Ağalarov və dünyaca məşhur Qreyq Devidin gözlənilən möhtəşəm konsert proqramı baş tutub.

ANS PRESS-in məlumatına görə, ilk olaraq səhnəyə Qreyq Devid çıxıb. O, bir birinin ardınca sevilən mahnılarını səsləndirib. Alqışlarla qarşılanan və yüzlərlə izləyicini yerindəcə rəqs etməyə vadar edən Qreyq 1,5 saat sonra səhnəni EMİN-lə bölüşüb.

Azərbaycanla yanaşı digər ölkələrdə də yetərincə tanınan EMİN qonaqları salamlayıb, Q. Devid ilə zarafatlaşdıqdan sonra ifalarına start verib. "Sea Breeze"ə gələrək Eminə dəstək olan fəxri qonaqların sırasında həyat yoldaşı Leyla xanım və baldızı Arzu Əliyeva da var idi.

Gecə yarısına qədər davam edən konsertin gedişatında DJ Shock səhnəyə çıxıb mahnıları ilə gecəyə rəngarənglik qatıb izləyiciləri coşdurub. Maraqlı anlardan biri isə Bakıdan və möhtəşəm keçən konsert proqramından məmnun qalan Qreyq Devidin İnstagram səhifəsində fikirlərini bölüşməsi olub. İfaçı hər kəsə gecəyə qədər təşəkkürünü bildirib: "Gözəl gecəyə görə çox sağ ol Bakı. Bura yenidən gəlib və şou göstərməyi səbirsizliklə gözləyəcəm. Bu möhtəşəm gecəyə görə EMİNə və "Sea Breeze" otelinə minnətdaram".

Qeyd edək ki, Arzu Əliyeva da konsertdən olan fotoları sosial şəbəkədə paylaşıb.


QafqazPRESS.az