Şakira oğlunun yeni fotosunu paylaşdı

Kolumbiyalı məşhur müğənni Şakira sosial şəbəkədə yeni foto paylaşıb.

ANS PRESS-in məlumatına görə, ifaçı oğlu Milanın sonuncu şəklini şəxsi İnstagram səhifəsində izləyiciləri ilə paylaşıb. Rəqsləri və ifası ilə ürəkləri fəth edən Şakira pərəstişkarlarını sevindirmək qərarına gəlib. İfaçı ailəsindən olan yeni kadrları sosial səhifədə yerləşdirərək oğlunun necə böyüdüyünü göstərmək istəyib.

15 aylıq Milan müğənni anasından və “Barselona” futbol klubunun oyunçusu olan atası Jerar Pikedən gözəlliyin bütün sirlərini oğurlayıb.

Qeyd edək ki, 2012-ci ildə Şakira Pikedən ilk övladını gözlədiyini etiraf edib. O, oğlunu 2013-cü ilin yanvar ayının 22-də ailəsinin yaşadığı Barselonada dünyaya gətirib.

Xatırladaq ki, Türkiyənin Radio və Televiziya Qurumu məşhur müğənnilər - Şakira ilə Rihannanın "Can't Remember to Forget You" adlı klipini yayımlayan "Show TV" və "Dream TV" kanallarını cərimələyib. Qurum, kanal rəhbərlərinə göndərdiyi qərarın protokolunda cəzanın səbəbini belə açıqlayıb: “İki sənətçi qadın eyni yataqda açıq-saçıq geyimdədir. Şakira tez-tez əlləri, ayaqları ilə ritmik hərəkətlər edir və hər ikisi qıvrılırlar. Biri digərinin kürəyinə yapışmış vəziyyətdə xüsusi yaxınlıq göstərirlər. Klipdə sərgilənən erotik rəqs gənclər, xüsusilə də uşaqlar tərəfindən örnək kimi qəbul oluna bilər”.


QafqazPRESS.az