Madonnanın geyimləri satışa çıxarılacaq

Noyabr ayında Madonnanın məşhur kliplərindən olan kostyumlar, lateks maska və uşaqlıq albomu hərraca çıxarılacaq.

ANS PRESS-in məlumatına görə, "Beverli Hillsdə Icons & Idols" hərracının əsas lotu isə pop-kraliçanın "Material Girl" klipindəki Monro geyimidir. Bəzək əşyaları ilə birlikdə geyimin ilkin qiyməti 20 000 - 40 000 avro arasında dəyişir. Lotlar arasında Madonnanın "A League of Their Own", "The Next Best Thing", "Music", "American Pie" kliplərindən olan kostyumlar da var.

Hərracda Madonnanın qeydləri, mahnı notları, xoreoqrafiya nömrələrinin qeydləri, hətta bəzi mükafatları da satılacaq. Ancaq onların arasında "Qremmi", "American Music Awards" və ya "Billboard Awards" mükafatlarının olub-olmayacağı məlum deyil.



QafqazPRESS.az