Akif Nağının Leyla Yunusla nə əlaqəsi?

“Leyla Yunusun evindən bizim kitablarımızın çıxmağı normal şeydir. Qarabağ Azadlıq Təşkilatının buraxdığı kitabları hər kəs oxuyur, hər kəsin evində bu kitablar var”.

Bunu AzVision.az-a açıqlamasında QAT sədri Akif Nağı hüquq müdafiəçisi Leyla Yunusun evində aparılan axtarış zamanı onun kitabının tapılmasına münasibət bildirərkən deyib.

O vurğulayıb ki, Leyla Yunusun özü də kitabda çap olunmaq üçün məqalələrini verib: “Bilmirəm o hansı kitabdır, biz hər il “Qarabağ – dünən, bu gün, sabah” mövzusunda elmi praktik konfrans keçiririk və onun materialları əsasında kitab çap olunur. Ora da məqalə verənlər olur. Bir neçə dəfə Leyla Yunus da məqalə verib. Yəqin ki, özünün məqaləsi olan kitabdır. Qarabağla bağlı bu və ya digər formada məşğul olan adamların evində bu kitab ola bilər, normal qarşılayıram”.

Qeyd edək ki, Leyla Yunusun ofisində aparılan axtarış zamanl QAT sədri Akif Nağı tərəfindən nəşr olunmuş kitab, həyat yoldaşı Arif Yunusun 8 kitabı və 1994-cü ildə çap edilmiş erməni dilində bir kitab aşkar edilib.



QafqazPRESS.az