Saqqallı müəllimə (FOTO)

İngiltərədə 23 yaşlı müəllimə Harnaam Kaur tüklü sifətindən daha narahat deyil. QafqazPRESS.az - ın Türkiyə mətbuatına istinadən məlumatına görə, uşaq yaşlarından saqqalını qırxmadığını deyən müəllimə bu vəziyyətdə daha gözəl göründüyünü və özünü tapdığını bildirib.

Harnaam Kaurun sözlərinə görə, tüklərini kəsməyi inancı qadağan edir: "Əvvəllər tez-tez tüklərimi kəsirdim. İndisə çox rahatam. Bununla bədənindən utanan, ya da dəyişmək istəyən bütün qadınlara ilham verəcəyimə ümid edirəm".

11 yaşımda tüklü bədənindən utandığını deyən qadın intihar belə etmək istədiyini də sözlərinə əlavə edib: "İndi bütün qadınlar kimi makiyaj edib ləl-cəvahirat takıram. Narahatlığım yoxdur. Hətta digər qadınlar kimi manikür etməyə belə başladım".