Aviaşouda qəza

Amerika Birləşmiş Ştatlarının Viskonsin ştatında aviaşou zamanı kiçik təyyarə tamaşaçıların gözü qarşısında qəzaya uğrayıb.

ANS PRESS-in məlumatına görə, təyyarənin tüstülənərək yerə düşməsi aviaşounu lentə alan kameralara həkk olunub. Viskonsin polisi kiçik təyyarəni idarə edən təcrübəli pilotun həlak olduğunu bildirib.

Kiçik təyyarə meşəlik ərazi üzərində manevrlər edərkən naməlum səbəbdən tüstülənməyə başlayıb. Hadisənin dəqiq səbəbi isə hələlik məlum deyil.



QafqazPRESS.az