» » Zülfiyyə Hüseynova Bakıdakı Qran-Pridə güləşəcək

Zülfiyyə Hüseynova Bakıdakı Qran-Pridə güləşəcək

Müəllif: Səma Zərdablı
//
Tarix: 13 mart 2019
//
Bölmə: İdman
 Zülfiyyə Hüseynova Bakıdakı Qran-Pridə güləşəcək


13-14 may tarixlərində Bakıda keçiriləcək paracüdo üzrə Qran-Pridə iştirak edəcək millilərimizin heyətləri bəlli olub.
Oxu.Az millilərin baş məşqçilərindən aldığı xəbərə görə, kişi komandamız 13, qadın yığmamız isə 10 idmançı ilə təmsil olunacaq.
Kişilər: Vüqar Şirinli, Murad Əliyev (hər ikisi -60 kq), Bayram Mustafayev, Namiq Abbaslı (hər ikisi -66 kq), Ramil Qasımov, Zaməddin Poladov (hər ikisi -73 kq), Hüseyn Rəhimli, Murad Həziyev (hər ikisi -81 kq), Rövşən Səfərov, Ramin Əliyev (hər ikisi -90 kq), Kənan Abdullaxanlı, Kamil Ağayev (-100 kq), İlham Zəkiyev (+100 kq).
Qadınlar: Gülnar Gərayova, Şahanə Hacıyeva (hər ikisi -48 kq), Bəsti Səfərova, Səbinə Abdullayeva (hər ikisi -52 kq), Sevda Vəliyeva, Afaq Sultanova (hər ikisi -57 kq), Xanım Hüseynova (-63 kq), Zülfiyyə Hüseynova (-70 kq), Xatirə İsmiyeva, Dürsədəf Kərimova (hər ikisi +70 kq).
Qeyd edək ki, bunlardan Zülfiyyə Hüseynova vaxtilə Azərbaycanı cüdoda 1996 və 2000-ci il Olimpiya Oyunlarında təmsil edib. Sambo üzrə beşqat dünya və ikiqat Avropa çempionu olmuş Zülfiyyə Hüseynovanın 48 yaşı var. O, ötən ilin noyabrında keçirilmiş paracüdo üzrə dünya çempionatında idmana qayıdıb və qadın komandası ilə bürünc medal qazanıb.
Onu da bildirək ki, yarış gününə kimi bu heyətdə hər hansısa dəyişiklik ola bilər.