“Vətənşüvənlər dedi ki, Azərbaycanda arvad atmırlar”

Xalq artisti Faiq Ağayev “Space” telekanalında yayımlanan “Sizin saat” verilişinin qonağı olub. “Qafqazinfo”nun məlumatına görə, xalq artisti bayağı musiqi tərəfdarlarını sərt tənqid edib:


“1996-cı ildə “Ayrılma məndən” mahnısına çəkilən klipim tənqid olunmuşdu. Biz burada sosial mövzuya toxunmuşduq, insanlara narkomaniyadan uzaq olmağı aşılamışdıq. O zaman yalançı vətənşüvənlər qeyd etdilər ki, Azərbaycanda narkotikdən istifadə etmirlər, araq içmirlər, arvad atmırlar, uşağı uşaq evlərinə qoymurlar. Bayağı danışdığım üçün üzr istəyirəm. Keyfiyyətli musiqinin dinləyiciləri ləçər deyillər, boğazlarının bərk yerinə salıb haqqını tələb etmirlər. Bayağı musiqinin həvəskarları tumanını göyə qaldıranlardır. Ziyalılar, keyfiyyətli musiqiçilər abırlı insanlardır. Bayağı musiqini dinləyənlər, Azərbaycan mənəviyyatına sığmayan “Səhər saat 7-də qırmızı 07-də dal qapını açdılar, qızı götürüb qaçdılar” kimi mahnıların tərəfdarlarıı durub deyəcəklər ki, qaqaş əcəb edirik. Onlarda abır həya çəpəri yoxdur”.



QafqazPRESS.az