Prezidentin nəvələri balıq ovunda

Azərbaycan respublikasının prezidenti İlham Əliyevin nəvələrinin yeni fotosu paylaşılıb.

ANS PRESS-in məlumatına görə, ölkə başçısının böyük qızı Leyla Əliyevanın əkiz oğlanları olan Əli və Mikayıl ataları Emin ilə dəniz kənarında balıq tutarkən kameralara görüntüləniblər.

Ötən günlərdə paytaxtda olan bəstəkar-müğənni Emin Ağalarov övladları ilə istirahətə yollanıb. Dəniz kənarında övladları ilə balıq keyfi yaşayan Emin maraqlı anları kamerasına görüntüləyib və sosial şəbəkədə paylaşıb.

Leyla Əliyeva və Emin Ağalarovun əkizləri Əli və Mikayılın sevincli göründükləri hər andan bəllidir. Xüsusən Əli balıq tuta biləndə sevinərək "daha birini tutdum" deyib sevincini atası ilə bölüşüb.



QafqazPRESS.az