Röya Patrisiya Kaası Bakıya gətirir

Müğənni Röya Ayxan Azərbaycanda dünya şöhrətli müğənnilərin konsertlərini təşkil edəcək. Teleqraf.com xəbər verir ki, mayın 29-da Heydər Əliyev Sarayında çıxış edəcək dünya şöhrətli fransalı müğənni Patrisiya Kaasın kosertini də məhz Röya təşkil edib. R.Ayxan “10Lar” verilişinə açıqlamasında bildirib ki, bu işə prodüsseri Kənan Bayramovla birgə başlayıb. Onlar P.Kaasın konsertindən sonra Bakıda türkiyəli müğənni Gülşenin çıxışını reallaşdıracaqlar. Qeyd edək ki, Patrisiya Kaasın konserti “Kaas Chante Piaf” adlı dünya turu çərçivəsində olacaq. Konsert saat 20:00-da başlayacaq və 2 saat davam edəcək. İfaçı gecədə ən sevilən mahnıları ilə musuqisevərlərə unudulmaz gecə yaşadacaq. 13 yaşından musiqi həyatına start verən Patrisiya Kaas bu günə qədər 19 albom çıxarıb və yüzlərlə sevilən mahnının ifaçısıdır.


QafqazPRESS.az