Teatr Xadimləri İttifaqı sədrini seçdi - YENİLƏNİB

15:52

Azərbaycan Teatr Xadimləri İttifaqının yeni sədri məlum olub

Qurultay iştirakçılarından aznews.az-a verilən məlumata görə, yığıncaqda xalq artisti Azərpaşa Nemətov İttifaqının yeni sədri seçilib.
Xatırladaq ki, bu gün Azərbaycan Teatr Xadimləri İttifaqı qapalı şəraitdə, medianın iştirakı olmadan qurultay keçirib. Tədbir iştirakçılarının qurultaya konfrans adı ilə dəvət edildiyi də deyilir.

İttifaqdan qurultayın harada keçirildiyi də açıqlanmayb.
Mədəniyyət və Turizm Nazirliyinin mətbuat xidmətinin əməkdaşı Zöhrə Əliyeva AzNews.az-a açıqlamasında bildirib ki, bu məsələnin onlara heç bir aidiyyəti yoxdur: “Teatr Xadimləri İttifaqının qurultayının nazirliyə nə aiddiyəti? Onlar öz qurultaylarını keçirirlər. Qurultayın harada keçirilməsini İttifaqdan soruşun”.

-----------
13:30

Azərbaycan Teatr Xadimləri İttifaqı qapalı şəraitdə qurultay keçirir

Milli.Az xəbər verir ki, aznews.az-ın əldə etdiyi məlumata görə, bu saatlarda İttifaqın qurultayı öz işinə başlayıb. Tədbir iştirakçıları isə qurultaya konfrans adı ilə dəvət ediliblər.

Qurultayda qurumun sədri və yeni rəhbər şəxsləri seçiləcək.

İddia edilir ki, qurultayın media üçün qapalı keçirilməsinə səbəb hazırkı sədr Azərpaşa Nemətovun yenidən bu postda rəsmiləşdirilməsidir.

Xatırladaq ki, İttifaqdan qurultayın harada keçirildiyi də açıqlanmayb. Mədəniyyət və Turizm Nazirliyinin mətbuat xidmətinin əməkdaşı Zöhrə Əliyeva AzNews.az-a açıqlamasında bildirib ki, bu məsələnin onlara heç bir aidiyyatı yoxdur: “Teatr Xadimləri İttifaqının qurultayının nazirliyə nə aiddiyatı? Onlar öz qurultaylarını keçirirlər. Qurultayın harada keçirilməsini İttifaqdan soruşun”.



QafqazPRESS.az