Elza Seyidcahan mükafatlandırıldı

Əməkdar artist Elza Seyidcahan mükafat alıb
Milli.Az xəbər verir ki, bu haqda axşam.az saytına məlumat verən müğənni təəssüratlarını bölüşüb:

“Bir neçə gün əvvəl Türk ocaqlarının yüz illiyinə həsr olunmuş tədbir keçirilirdi, Türkiyənin tanınmış simaları Bakıya gəlmişdi. Mən Gəncədə olduğum üçün mərasimə qatıla bilməmişdim. Bakıya qayıdanda mənimlə əlaqə saxlayıb mükafatla təltif etdiklərini dedilər. Həmin tədbirdə millət vəkili Qənirə Paşayeva da iştirak edib. Bu cür önəmli bir mükafata layiq görüldüyüm üçün qürur hissi keçirirəm”.

Qeyd edək ki, Elza Seyidcahan İstanbul Türk Ocağının 100 illiyi münasibətilə Azərbaycan-Türkiyə mədəniyyət gecələrində və türk ocaqlarının təşkil etdiyi mədəni tədbirlərdə iştirakına görə mükafata layiq görülüb.



QafqazPRESS.az