“ƏLİLLƏR İŞLƏ TƏMİN OLUNMALIDIR”- ELMİRA AXUNDOVA

Deputat əlillərin işlə təmin edilməsi, əlilliyin müəyyən edilməsi və təhsildəki problemləri baş nazirin diqqətinə çatdırdı.
Qafqazpress.az xəbər verir ki, deputat Elmira Axundova parlamentdə hökumətin hesabatı zamanı çıxışında əlillərin cəmiyyətə inteqrasiya olunması üçün onların işlə təmin olunması məsələsini hökumətin qarşıısnda qaldırdı.
“Əgər əlillərin işlə təmin olunması istiqamətində ciddi işlər görülərsə və onlar işlə təmin olunarlarsa, cəmiyyətin böyük bir təbəqəsi sizlərə minnətdar olar. Digər qaldıracağım problem əlilliyin müəyyyən edilməsi ilə bağlıdır. Hələ də bu sahədə bürokratik əngəlliklər hökm sürməkdədir. Bir yanlış söz və işarəyə görə insanlar əlillik ala bilmirlər. Bununla bağlı rayonlarda ciddi narazıçılıq yaradır və bu problem aradan qaldırılmalıdır”.
Deputat eyni zamanda məktəb şagirdlərinin teatrlara, muzeylərə kütləvi səfərlərini təşkil etməyi, həmçinin məktəblərə üzgüçülüyün dövlət hesabına öyrədilməsini təklif edib. Ildə yüzlərlə gəncimiz dənizdə, çaylarda, göllərdə boğulur. Bu problemi aradan qaldırmaq üçün məktəblilərə üzgüçülük öyrədilməlidir”.
O, həmçinin tibb müəssisələrində abortun qadağan edilməsi məsələsini gündəmə gətirib. Axundova deyib ki, bu gün Azərbaycan selektiv aborta görə dünyada Çindən sonar ikinci yerdədir. “Selektiv abortun qarşısı alınmalıdır”.