Elçin Şıxlı: “Heç kim bizimlə maraqlanmır”

Azərbaycan mətbuatında özünəməxsus yeri olan “ “Ayna” və “Zerkalo” qəzetlərinin bağlanmasına yerli media mənsubları biganə yanaşıb.

Media kapitanları işi dalana dirənən Elçin Şıxlı ilə nə əlaqə saxlayıb təsəlli verirlər, nə də dəstək olurlar.

“Heç kim qəzetin fəaliyyət göstərməsi ilə bağlı ona müraciət etməyib”-deyən E.Şıxlı AzVision.az-a açıqlamasında rəhbəri olduğu qəzetlərin yenidən fəaliyyətə başlamasının gündəmdə olmadığını bildirib.

“Qəzetin fəaliyyətini davam etdirməsi ilə bağlı yeni bir məlumat yoxdur. Hələ gözləyirik. Görək nə olacaq”.

Qeyd edək ki, artıq bir həftədir ki, “Ayna” və “Zerkalo” qəzetləri çapını müvəqqəti dayandırıb. Qəzetlərinin işinin dayandırılmasına səbəb kimi E.Şıxlı maddi sıxıntılarının olduğunu deyib.



QafqazPRESS.az